احبك احبك احبك ماهي بس كلمه

أحبـــك
أحبـــك
أحبـــك
ماهي بس كلمه..
لكل من جا بدون شعور أنا أحكيها..
بلا أحساس ولامعنى ولاذمه..
تموت الكلمه في صدري بمافيها..
ولاإني أقولها لإنسان وهي في الأصل ماتهمه..
كبيره حيل هالكلمه واللي خلقني فهمتيها..
تبيني لك أنا اشرحها كانك جد مهتمه؟
بسيطه..
إخذي لك طفله..وعلى إيدك ربيها..
وعطيها من حنان قلبك..حنان يغطي هالأمه..
وبعد ماتكبر بحضنك لأهلها روحي وديها..
وشوفي حالتك بعدها كيف منغمه..
إلى منك شعرتي صدق خلاص انك فقدتيها..
وهي لك كانت الدنيا ونبض القلب ودمه..
وفجأه أختفت عنك
وقالوا اليوم انسيها..
وانسي لما قالتلك أحبك حيل يايمه..
أمانه بس أبي أعرف..
يجيلك قلب تنسيها..
وتعديها مجرد حلم بس..
الوقت ماتمه..
وش يعني الحنان اللي من قلبك عطيتيها..
طبيعي هالعطا مهما نقص أوزاد في حجمه..
غريزه نابعه من القلب ولاتدرين وش فيها..
وكانت قبل لاتنطق حكيها وقبل لاتمه..
تعرفين اللي بتقوله قبل
لانتي تسأليها..
غلاها"وش هو يعنيلك
غلا خاله غلا عمه..
أوهي مجرد طفله مسكينه وبعطفك حضنتيها..
وعادي لوخسرتيها طبيعي منتي مهتمه..
ابي تعيشين هالقصه من أولها لتاليها..
وأبي تعرفين وش المقصود منها وش الحكمه
ساعتهابس بتعرفين أحبك ليه أداريها
وليه بالتحديد هالكلمه ماهي بس كلمه
وإذاكانت مشاعر صادقه والحب يحييها
وترى ماهي حكايه
غامضه وكلن حسب فهمه
كثيرأشياء تثبتها وكثيرأشياء تنفيها
وإذامات الصدق فينا
نموت ونندفن يمه
وإلاإنا نعيش كذبه أنا
وإنتي مانبغيها
ترى درب الهوى متعب كما اللي يصعد القمه
يبيله قلب مايتعب
وخطواته يهديها
لجل يقدرعلى المشوار
ومايضعف أبد عزمه
شفتي شلون هالكلمه
كبيره حيل في معانيها
ولااذكر قلتها إلالشخص ضلوعي تضمه
عرفتي إنتي لي وش تعنين هذيك الطفله عرفتيها!